Jói Mara með allt úti

Þegar ég keyrði Hólaveginn fyrir stuttu síðan var alveg hreint hellingur af allskonar mótorhjólum fyrir utan hjá Jóa Mara.

Jói var að taka til og endurraða í bílskúrnum, en eins og sést þá vantar ekki hjólin hjá Jóa.

Hann á "nokkur hjól" sem eru líklega orðin sjaldséð núorðið og svo að sjálfsögðu Johnson vélsleðann sem er á kerrunni hjá honum.

En Jói hefur verði duglegur að safna hjólum og hefur sent fjöldamörg hjól og vélsleða á söfn hingað og þangað um landið.

Ég bað nú Jóa um að fá að taka eina mynd af honum fyrir framan hjólin en hann var fljótur að tilkynna mér það að hann sjálfur væri nú alls ekkert myndefni en ég mætti taka eins margar myndir af hjólunum og ég vildi.

Meira af myndum á tenglinum hér að neðan.
http://www.siglo.is/is/frettir/joi-mara-med-allt-uti

24.05.2014

 Jón Hrólfur Baldursson

Fjölmenni á stórsýningu Rafta og Fornbílafjélags í Brákarey (2014)

Miðpunktur sýningunnar var í portinu

Mikil og góð stemning einkenndi vel heppnaða stórsýningu Bifhjólafjélagsins Rafta og fornbílafjélags Borgarfjarðar sem fram fór í Brákarey í Borgarnesi á laugardaginn.

Bifhjól af ýmsum gerðum mátti  sjá á sýningunni

Gott veður setti svip sinn á sýninguna sem fjöldi gesta sótti. Að sögn Guðjóns Bachmans Rafta- og fornbílafélaga, er talið að sýningargestir hafi verið um tvö þúsund. „Það er óhætt að segja að þetta sé ein stærsta sýning sem við höfum komið að á undanförnum þrettán árum. Við í undirbúningshópnum erum himinlifandi með þetta. Samkvæmt talningu komu um 400 mótorhjól í eyjuna sem er með því mesta,“ segir Guðjón. Einnig mætti mikill fjöldi gesta á

Breytingar á mótorhjólaprófum skv. ESB

 

Minnaprófið stækkar

Hinn 19. janúar síðastliðinn tók gildi ný reglugerð sem byggist á þriðju ökuréttindalöggjöf Evrópusambandsins. Breytingar þessar eru gerðar til að samræma ökupróf í allri Evrópu til að tryggja frjálsan flutning og akstur milli landa og gerir ökuskírteini úr einu landi ESB eða EES gild í öllum öðrum löndum þess. Breytingarnar eru mestar í flokki mótorhjóla en þar er kominn nýr flokkur sem kallast A2 og tekur hann við af flokki sem hét lítið mótorhjól áður og miðaðist við 34 hestöfl (25 kW).

Hámarksaflið 47 hestöfl

Hér er rétt að útskýra þennan flokk aðeins betur því að hann veldur talsverðum ruglingi og skoða hvaða hjól falla í þennan nýja flokk, en hann er nú miðaður við 47 hestöfl (35 kW) sem er töluverð breyting.

Eins og sjá má af töflunni er hámarksafl mótorhjóla í A2-flokki nú komið í 47 hestöfl en sum mótorhjól má fá með svokölluðu innsigli til að ná niður afli í þetta tiltekna hámark. Þó má ekki samkvæmt löggjöfinni minnka afl hjóls í þessum flokki um meira en helming, þannig að 100 hestafla hjól getur ekki fengið innsigli og farið í 47 hestöfl sem dæmi. Til að átta sig betur á þessu hefur bílablaðið sett saman stuttan lista með hjólum sem falla undir þennan flokk og inniheldur hann einnig hjól sem eru með löglegu innsigli samkvæmt þessum A2-flokki. Aðeins er minnst á þau hjól sem eru annaðhvort seld á Íslandi eða hafa komið hingað á undanförnum árum.

Falla í A2-flokkinn

Þegar þessar tölur eru skoðaðar er auðvelt að sjá að nokkuð mörg mótorhjól sem áður voru flokkuð sem stór mótorhjól falla í A2-flokkinn. Önnur breyting á réttindaflokkunum er sú að núna má taka réttindi í A2-flokk á hvaða aldri sem er svo lengi sem viðkomandi hefur náð 19 ára aldri. Þetta þýðir að einhver sem telur að hjól eins og ofangreind dugi sér þarf þá ekki að taka full réttindi strax og getur einfaldlega valið að taka þennan flokk fyrst. Mun það eflaust henta mörgum að taka próf í þessum flokki þar sem kennsluhjól í honum geta verið talsvert minni en fyrir full réttindi. 

njall@mbl.is

Skoðaðu Mótorhjólasafnið

Mótorhjólasafn Íslands verður opið alla páskana frá klukkan 14 til 16. Þar er að finna skemmtilegt safn bifhjóla sem ungum og öldnum finnst spennandi að skoða. Safnið er til húsa á Krókeyri 2 á Akureyri, rétt innan við Skautahöllina. Mótorhjólasafn Íslands verður opið alla páskana frá klukkan 14 til 16.

Þar er að finna skemmtilegt safn bifhjóla sem ungum og öldnum finnst spennandi að skoða.
Safnið er til húsa á Krókeyri 2 á Akureyri, rétt innan við Skautahöllina. Mótorhjólasafnið var stofnað 20. des árið 2007 til minningar um Heiðar Þ. Jóhannsson sem lést í bifhjólaslysi árið 2006. Í dag á safnið nálægt 50 mótorhjól og mikið magn af hjólatengdum munum og ljósmyndum sem spanna alla sögu mótorhjólsins á Íslandi. Safnið er því kjörið fyrir allt áhugafólk um bifhjól og sögu þeirra hér á landi.

mbl.is

Fékk sér mótorhjól þegar hann varð afi

Baldur Pálsson er fimmtugur í dag
Það verður kannski eitthvað tekið létt á því með barnabörnunum. Ég fæ að sækja þau í leikskólann í tilefni dagsins og ætla að gera eitthvað skemmtilegt með þeim. Ætli við fjölskyldan reynum
ekki svo að borða saman góðan mat um helgina,“ segir Baldur Pálsson bifreiðasmiður sem er fimmtugur í dag. Baldur býr í Grindavík og er giftur Katrínu G. Hilmarsdóttur, þau eiga þrjú börn og þrjú barnabörn auk þess sem það fjórða er á leiðinni.
   Baldur segist ekki ætla að slá upp veislu núna en stefnir á hátíðahöld í haust. „Þetta þarf svolítinn aðdraganda þar sem stórfjölskyldan er út um allan heim. Ég reyni að stíla inn á að hafa alla á landinu og því verður veislan ekki fyrr en í haust. Þetta  verður bara gleði út allt árið,“ segir Baldur léttur í lund en stórfjölskyldan kemur alltaf saman á  afmælistímum hjá hverjum og einum. „Það er sama hversu stórt afmælið er; það er alltaf komið saman og borðaður góður matur. Við notum þetta tækifæri til að hittast og mér finnst það góð regla.“
   Baldur er fæddur og uppalinn í Reykjavík, bjó um tíma í Vestmannaeyjum, þaðan sem  eiginkona hans er, flutti síðan til Hafnarfjarðar og þaðan til Grindavíkur. „Mér finnst gott að búa í Grindavík, þetta litla samfélag á betur við mig en það stóra.“
   Baldri finnst ljómandi gott að eldast enda getur hann með auknum aldri sinnt áhugamálinu sínu meira sem eru mótorhjól. „Ég fékk mér mótorhjól þegar ég varð afi fyrir fimm árum og reyni að hjóla
þegar ég get,“ segir Baldur, sem fer jafnvel á rúntinn í dag.

MORGUNBLAÐIÐ
 11. APRÍL 2014

ingveldur@mbl.is 

https://timarit.is/

Bifhjólasamtök lýðveldisins, Sniglarnir, eiga stórafmæli í dag

  Mótorhjólasamtök í 30 ár

Í dag, þriðjudaginn 1. apríl, eru nákvæmlega 30 ár síðan stofnfundur félagsskapar sem við í daglegu tali köllum Snigla var haldinn. Fyrsti fundurinn var reyndar haldinn daginn áður, en honum var framhaldið daginn eftir og þar fékk barnið líka nafnið, Bifhjólasamtök lýðveldisins, Sniglar.  

Fundarstaðurinn var félagsheimilið Þróttheimar og í tilefni að þessu stórafmæli halda Sniglar þar Sniglaveislu í kvöld á gamla fundarstaðnum. En hver skyldi nú hafa verið tilgangurinn með stofnun þessa félagsskapar? Í upphafi var tilgangurinn einfaldlega sá að sameina mótorhjólafólk og fá það til að taka niður hjálmana þegar það hittist. Fljótlega vatt það þó upp á sig og óhætt er að segja að Sniglar hafi komið að mörgu verkinu á 30 ára ferli sínum.

Þróttmikið félagsstarf 

Fyrstu árin var starfið félagsmiðað að mestu og mikið púður fór í að skipuleggja skemmtilegar ferðir vítt og breitt um landið. Var farið á götuhjólum í Landmannalaugar og um Vestfirði svo eitthvað sé nefnt.  Landsmót var skipulagt árið 1987 og á það mót mættu um 120 gestir, margir þeirra á hjólum. Óslitin hefð hefur verið fyrir landsmóti fyrstu helgina í júlí síðan þá. Sniglar sinntu lengi vel gæslu víða og kom það fyrst til vegna neyðarástands sem kom upp við ferjuna Smyril á Þjóðhátíð 1986. Mikill mannfjöldi reyndi að ryðjast um borð en Sniglar sem þarna voru komnir til að taka þátt tóku sig til og pössuðu að hleypa inn á bryggjuna í skömmtum svo að enginn træðist undir. Sú röggsemi spurðist út og fljótlega höfðu Sniglar nóg að gera við gæslu.

Fyrst og fremst hagsmunasamtök 

Hagsmunagæsla hefur þó löngum verið það sem að starf Bifhjólasamtaka lýðveldisins snýst um. Sniglar hafa löngum beitt sér fyrir slysavörnum á einn eða annan hátt. Fyrst kom það til með árlegum vorfundum Snigla og lögreglunnar með Ómar Smára Ármannsson í forsvari. Árið 1992 gáfu svo Sniglar út fyrsta forvarnarefni sitt en það voru fimm sjónvarpsinnskot sem einnig voru sýnd í bíóhúsum. Vakti efnið athygli og þá einnig út fyrir landsteinana. Sama ár urðu líka miklar hækkanir á bifhjólatryggingum og Sniglar gagnrýndu bifhjólakennslu sem var lítil sem engin. Þegar samtökin urðu 10 ára var haldin

vegleg afmælissýning í Laugardalshöll þar sem um 200 mótorhjól voru til sýnis. Árið 1995 gengu Sniglar í Evrópusamtök bifhjólafólks (FEMA) og eru þar enn. Umferðarátak hefur verið nánast
árlegur viðburður hjá samtökunum og 1997 voru gerð fleiri sjónvarpsinnskot. Sniglar létu gera slysarannsókn árið 2001 sem náði yfir öll slys á 10 ára tímabili, frá 1991- 2000. Nokkrum árum seinna fengu Sniglar fulltrúa í Umferðarráði sem þeir hafa haldið síðan. Síðustu ár hafa Sniglar látið enn meira til sín taka í hagsmunastarfi bifhjólafólks og haft áhrif á breytingu á umferðarlögum, átt í góðu samstarfi við Vegagerðina um betri vegi fyrir bifhjólafólk og haft fulltrúa í starfshópi        innanríkisráðuneytis um umferðaröryggi, Decade of Action.

Trúarjátning bifhjólamannsins:

Ég trúi á bifhjólið, tákn frelsisins.

Ég trúi á heilagt tvíeyki, bifhjólið

og manninn.

Ég trúi á lífið og bensínið,

bremsurnar og dauðann

og inngjöf að eilífu.

njall@mbl.is
    morgunblaðið 1.apríl 2014

Vel heppnaður hjóladagur hjá Suzuki

 Hjóladagur Suzuki var haldinn á laugardaginn í húsnæði Suzuki í Skeifunni 17. Hayabusa-klúbburinn á Íslandi, Gaflarar, Raftarnir og fleiri mótorhjólaklúbbar mættu á svæðið með sín hjól, sum hver gömul Suzuki-hjól og voru um 40 mótorhjól á planinu þegar mest var.
Starfsmenn Suzuki voru ánægðir með góða mætingu, enda allar mótorhjólavörur og mótorhjól á 15% afslætti og margir sem nýttu sér það.

njall@mbl.is

8.04.2014

https://timarit.is/