Fyrir 90 árum

KAPPREIÐAR Á BIFHJÓLUM 

Reykjavík, laugardaginn 17. ágúst 1929. 

Veðreiðar hafa löngum verið ein uppáhaldsskemmtun fólks í stórborgunum að sumarlagi, og það hefur þótt „fínt" að eiga
góða veðhlaupahesta. En siðan bifreiðar og bifhjól komu til sögunnar hefir stórum minkað hestahald í stórborgunum, þvi flestum þykir þægilegra og ódýrara að eiga bifreið. Eigi leið á löngu áður en menn fóru að efna til kappaksturs á þessum tækjum og eru þesskonar kappmót nú orðin að kalla daglegur viðburður í flestum stórborgum, og þeir menn sem skara fram úr á mótunum eftirlætisgoð fólksins.

Lifa sumir þessara ökugikkja á þvi að ferðast borg úr borg og aka á bifreið eða bifhjóli. Á myndunum hjer að ofan má sjá kappakstursmenn á slíkum mótum. Er mikill vandi að sitja bifhjólin, því snarpar bugður eru á kappakstursbrautunum. Það kemur eigi ósjaldan fyrir, að slys verða á þessum mótum, ýmist
renna hjólin út undan sjer og keppandinn dettur, eða að tveir keppendar eða fleiri rekast á.

Aðalfundur Bifhjólaklúbbs Norðuramts 19. október og Haustógleði.

Aðalfundur Tíunnar verður 19 október. nk

Fundarstaður: Mótorhjólasafn Íslands Akureyri

Venjuleg aðalfundarstörf.

Dagskrá Aðalfundar :
1. Kosning fundarstjóra og fundarritara.
2. Stjórn og nefndir gefa skýrslu um starfsemi liðins árs.
3. Stjórn leggur fram endurskoðaða reikninga liðins árs.
4. Lagabreytingartillögur. (Tillögur Sendist í tian@tian.is)
5. Kosning stjórnar.
6. Kosning Formanns
7. Kosning nefnda.
8. Skipun skoðunarmanna reikninga.
9. Önnur mál.

Tveir aðilar víkja sæti í stjórn í ár,  Jói Rækja og Arnar Kristjáns og vantar okkur því framboð í stjórn.

Óskað eftir framboðum í stjórn Tíunnar í tian@tian.is og er hægt að kynna viðkomandi á vefnum.. ef óskað er.
(En einnig er hægt er að sækjast eftir því á fundinum.)
Ath. Einungis greiddir Tíufélagar hafa kosningarétt á aðalfundi.

Um kvöldið verður svo Haustógleðin en hún verður auglýst síðar.
Tíufélagar eru kvattir til að mæta á Aðalfund. Sérstaklega þeir sem búa utan Akureyrar og koma og skemmta sér með okkur um kvöldið.

kv Stjórnin

Pókerrun fór fram í dag.

300 km langt Pókerrun fór fram í dag í þokkalegasta veðri. Ekið var frá Olís á Akureyri en spil voru dregin á Akureyri, Sauðárkrók, Siglufirði , Dalvík og Akureyri.
Svo bauðst öllum að skipta út allt að 3 spilum.
Niðurstaðan var sú að að eini farþeginn í ferðinni sigraði Pókerrunnið með Fullt Hús. Til lukku Linda Diego en hún fékk flottan bikar
og Tíkall í seðlum.
Næst besta höndin var Ásapar, og voru aðrir bara með hunda.

Takk allir sem mættu í Pókerrunið en það skrítna við það var að enginn Akureyringur tók þátt. 2.Reykvíkingar, Ísfirðingur , Bakkfirðingur , og Norðfirðingur. "Norðanmenn" ,,, aðeins að fara minnka jammið það kemur Haustógleði...

AÐALFUNDUR TÍUNNAR

Póker Run framundan á Sunnudag

Hann er svolítið lifandi strákurinn

Besta geðlyfið

Peter Fonda látinn (Easy Rider)

Banda­ríski kvik­mynda­leik­ar­inn Peter Fonda lést í dag 79 ára að aldri en hann var einna þekkt­ast­ur fyr­ir leik sinn í kvik­mynd­inni Easy Ri­der frá 1969.

Fram kem­ur í frétt breska dag­blaðsins Daily Tel­egraph að bana­mein hans hafi verið andnauð vegna lungnakrabba­meins.

Fonda lék í fjölda kvik­mynda á löng­um ferli og hlaut ýmis verðlaun. Þar á meðal Óskar­sverðlaun fyr­ir leik sinn í kvik­mynd­inni Ulee's Gold 1997 sem og Gold­en Blobe-verðlaun. Síðar­nefndu verðlaun­in hlaut hann einnig fyr­ir The Passi­on of Ayn Rand 1999.

Fonda var son­ur kvik­mynda­leik­ar­ans Henry Fonda og yngri bróðir kvik­mynda­leik­kon­unn­ar Jane Fonda. Hann var faðir leik­kon­unn­ar Bridget Fonda og leik­ar­ans Just­in Fonda.

Texti :mbl.is

Rafhjólið og Hayabusa

Spyrnan á Hjóladögum

Mad Max "Stríðsmaður á veginum"

 Það er 40 ár síðan einn af mest elskaða og ein áhrifamesta mótorhjóla bíómynd allra tíma kom  í kvikmyndahúsin.
 Mad Max, útgefin árið 1979,
Bíómyndin varð vinsæl um allan heim en það eru ekki allir sem vita að í henni lék alvöru mótorhjólagengi

Ekki skemmdi heldur fyrir að myndin sem var mjög ódýr í framleiðslu, kostaði 350 þúsund dollara en halaði inn massívum 100 milljón dollurum og setti met í Heimsmetabók Guinness yfir arðbærustu kvikmyndir  sem stóð í yfir 20 ár. 
Myndin kom einnig ferli ástralska leikarans Mel Gibson á flug en hann er í dag farsæll leikari og leikstjóri.

Án Mad Max , myndi mótorhjól í bíómyndum einfaldlega ekki vera það sama.
Hjólamennirnir sem léku í myndinni fengu til dæmis borgað í bjór þar þar sem þröngt var í búi við gerð myndarinnnar.

Sagan um sköpun Mad Max er í raun Sköpunarverk ,George Miller.

Myndir frá rafhjólasýningunni við safnið

Rafhjólasýningin við Mótorhjólasafnið

Rafhjólaspyrnu Aflýst

Fara hringveginn á Rafmagnshjólum

Súpukvöld Fiskidagsins ,, Hjóltúr

Geysisferð postula

Góð mæting var í árlega Geysisferð Postulanna þetta árið. Alls tóku 140 mótorhjól og 16 fornbílar þátt í ferðinni. Hist var á bílaplaninu við Jötunvélar á Selfossi áður en lagt var af stað. Hópurinn fékk lögreglufylgd í gegnum bæinn og upp að Biskupstungnabraut þaðan sem leiðin lá upp að Geysi. Ferðin gekk glimrandi vel og notu menn ferðarinnar til hins ítrasta. Að vanda fengu Postular góðar móttökur á Geysi

Mótorfákarnir hvíldir við Geysi. Knapar stinga saman nefjum.

 https://www.dfs.is/2019/07/08/fjoldi-hjola-og-bila-i-geysisferd-postula/

Það er Hjálmaskylda á öllum Vespum

Rafmögnuð hringferð Snigla, ON og Electric Motorcycles

Hringfarinn, Kristján Gíslason mun verða með okkur hringinn

Dagskráin
8. ágúst
Við tökum á móti Marchel og Ingrid sem koma til landsins með Norrænu og hafa með sér 6 stykki rafmagnsbifhjól sem við munum aka og kynna, hringinn í kringum landið.

11:00- 13:00
Álver Alcoa Fjarðaáls á Reyðarfirði í boði Fjarðaáls og Dreka

14:00-17:00

Egilsstaðir við ON hleðslustöð á N1 stöðinni. Goðar bifhjólaklúbbur tekur á móti okkur

9. ágúst
13:00-18:00
Húsavík við ON hleðslu. Félagar í Náttfara taka á móti okkur

10. ágúst
Akureyri
11:00-13:00
Spyrna á braut BA að Hlíðarfjallsvegi 13

14:00-18:00
Mótorhjólasafnið Krókeyri 2

11. ágúst
Borgarnes
16:00- 19:00
Samgöngusafnið í Brákarey í boði Rafta

Kominn á sextugsaldur en ungur í anda

„Það er langt í frá að komist jafn oft út að hjóla og mig langar. Þetta er eitt það skemmtilegasta sem ég geri. 

Ég eignaðist fyrsta mótorhjólið mitt 1990 en sem unglingur á áttunda áratug síðustu aldar var ég með blæðandi skellinöðrudellu. Ég fékk hins vegar ekki að kaupa mér eina slíka en fékk að sitja aftan á hjá vinum mínum,“ segir Steinmar Gunnarsson formaður Sniglanna, bifhjólasamtaka lýðveldisins. Steinmar segist svo hafa tekið nokkurra ára hlé en farið að hjóla aftur upp úr aldamótunum. „Þá kviknaði áhuginn aftur,“ segir hann.

Sniglarnir eru um margt afar merkilegur félagsskapur. Félagið fagnar 35 ára afmæli sínu á þessu ári. Það sinnir hagsmunagæslu fyrir alla bifhjólmenn á Íslandi en á sama tíma hefur félagið beitt sér fyrir slysavörnum í umferðinni svo eftir hefur verið tekið. Sniglarnir hafa í nokkur ár átt fulltrúa í Umferðarráði. Þeir hafa líka sinnt góðgerðarmálefnum og sem dæmi má taka að Kraftaklerkurinn er samstarfsverkefni Snigla, Mótorhjólamessunnar og Grillhússins. Verkefnið skilaði Grensásdeild rúmum 600 þúsund krónum í ár.

Félagsstarf Sniglanna er öflugt. Það eru haldnir hjóladagar og svo er opið hús einu sinn í viku yfir sumartímann. Skráðir félagar eru um 400 en frá upphafi hafa 2500 manns starfað innan vébanda Sniglanna. Það eru talsvert fleiri karlar en konur í félaginu en þeim er að vaxa ásmeginn. „Það er gleðilegt að sjá að konunum er að fjölga og nú eru nokkrir hjólahópar eingöngu skipaðir konum og í hinum ýmsu klúbbum um landið eru hluti félaganna konur, ýmist á eigin hjólum eða sitja aftan á hjá körlunum. Þær eru stundum kallaðar hnakkaskraut, segir Steinmar og kímir.

„Annars er þetta nú þannig að menn koma og fara eins og í öðrum félögum. Okkur finnst nýliðun raunar ekki alveg nógu og mikil hjá okkur. Það vantar yngra fólk ætli meðal aldur félagsmanna sé ekki í kringum fimmtugt í dag, „ segir Steinmar og bætir við; „Það hljómar rosalega hátt. Maður er kominn á á sextugsaldur en mér finnst ég alveg jafn ungur í anda og ég var þetta er spurning um hugarástand og heilsu. Það er oft sagt að mótorhjól sjáist aldrei fyrir utan skrifstofu sálfræðinga vegna þess að það sé svo góð þerapía að aka hjóli. Þetta tekur mann út úr amstri dagsins. Skilningarvitin skerpast, maður heyrir hljóðið í mótornum, vindgnauðið í hjálminum og svo finnur maður lykt af öllu sama hvort það er angandi gróðurlykt eða skítafýla. Að vera á hjólinu krefst óskiptrar athygli, einhver sagði einhvern tíma að það að keyra bíl væri eins og að horfa á kvikmynd en að vera á mótorhjóli væri eins og vera í kvikmynd.“

Steinmar bendir líka á að ástæðan fyrir því að yngra fólki á mótorhjólum hefur fækkað gæti verið sú að hjólin eru dýr og það er dýrt að tryggja þau en fleira gæti komið til.

„Án þess að ég hafi nokkrar vísindalegar sannanir fyrir því þá held ég að yngra fólk sé ekki jafn hrifið af farartækjum sem nota jarðefnaeldsneyti og það var. Það er munur á afstöðu kynslóðanna í þessum efnum. Við fengum þá hugmynd að vekja áhuga á rafmagnshjólum á 35 ára afmæli samtakanna. Við erum með samstarfsaðila í Hollandi sem koma í sumar og kynna rafmagnsbifhjól. Við ætlum að fara hringinn í kringum landið á rafmagnshjólum og hefjum ferðina 8. ágúst á Seyðisfirði og endum á Egilsstöðum viku síðar.

Margir telja að það sé afar hættulegt að aka bifhjólum, Steinmar er því ekki alls kostar sammála. Ég vil nú gerast svo grófur að segja að það fari eftir hegðun hjólamannsins og annarra vegfaranda hvort þetta teljist hættulegt sport eða ekki. Með bættri fræðslu og hertum reglum hefur slysum fækkað. Á síðustu átta árum hefur bifhjólum fjölgað um 20 prósent en alvarlegum slysum hefur á sama tíma fækkað um 57 prósent.Þetta eru tölur frá Samgöngustofu. En hvert slys er einu slysi of mikið,“ segir Steinmar að lokum.