Aðalfundur Drullusokkanna:

Aðalfundur Drullusokkanna: 

Þar komu saman ungsokkar, sukksokkar, ellisokkar og kvensokkar 

Drullusokkarnir, félag mótorhjóleiganda í Vestmannaeyjum, hélt aðalfund sinn fyrr í mánuðinum. Mikill fjöldi mætti af fastalaiidiiIII en félagið nær til þeirra sem eiga mótorhjól og hafa einhvern tíma átt heima í Vestmannaeyjum. Um 50 manns sóttu fundinn og settu félagar svip á bæinn þegar þeir fóru í hóp um bæinn á hjólum sínum.
Tryggvi Sigurðsson, formaður Drullusokkanna, var mjög ánægður með fundarsókina. „Fundarhöld voru um daginn en um kvöldið var grillveisla og síðan gieði fram eftir nóttu," sagði Tryggvi. „Markmið okkar er að skemmta sér og hafa gaman af lífinu.  Fundurinn heppnaðist vel og allir alsælir."
 Þegar Tryggvi, sem kominn er á miðjan aldur, var spurður að því hvort hann væri ekki vaxinn upp úr því að hafa gaman af mótorhjólum, sagði hann það af og frá. „Þetta er ólæknandi delia sem ég kæri mig ekkert um að losna við. Það eru líka margir eldri en ég sem eru illa haldnir af mótorhjóladellunni og ég sé ekki að það skaði þá á nokkurn hátt."
Margir brottfluttir mættu á fundinn en skilyrði fyrir inngöngu í Drullusokkana er að eiga mótorhjól og hafa einhvern tíma átt heima í Vestmannaeyjum. „Það er löng hefð fyrir mótorhjólum í Vestmannaeyjum og í kringum 1970 var hvergi meira af hjólum á landinu en hér í Vestmannaeyjum." Með Tryggva í stjórn eru Þorleifur Hjálmarsson, varaformaður, Vignir Sigurðsson, ritari, Jens Karl Magnús Jóhannesson og Þorsteinn Júlíusson, Steini Tótu, sem er sendiherra félagsins á nyrstu eyjunni í Vestmannaeyjaklasanum, Norðureyjunni, svo notuð séu orð Tryggva. „Félagsmenn eru um 120 og
meðal þeirra er fullt af glæsilegum stúlkum. Við skiptumst í ungsokka, sukksokka, ellisokka og kvensokka. Nú þurfa menn að setjast niður og finna húsnæði sem er lífsspursmál fyrir félagið. 

20.09.2007

https://timarit.is/

Magnað torfærumótorhjól

 Umhverfisvænt Rafmagnsmótorhjól verða sífellt algengari enda umhverfisvæn og glæsileg farartæki.

Rafmagnsbílar virðast vera komnir til að vera í þetta skiptið eftir að þeim fyrsta, EV1 frá General Motors, var fórnað á altari olíunnar. Það sem meira er, rafmagnsmótorhjól eru farin að verða algengari en slíkt farartæki ætti hiklaust að vera með allra umhverfisvænstu farartækjum sem á annað borð ganga fyrir einhverskonar aflgjafa öðrum en manninum. Brammo er einn þessara framleiðenda sem hefur einbeitt sér að mótorhjólum. Hjólið sem um ræðir er kallað Brammo Enertia off road og ætti rafmagnsmótorinn að henta sérlega vel í torfæruakstur þar sem ekki þarf að hafa áhyggjur af eldsneytiskerfi, vatni í loftinntök og fleiru sem plagað getur mótorhjól í þessari notkun. Ljóst er að hjólið hentar ekki til langferða enda engin hægðarleikur að finna innstungu upp á hálendi. Hugmyndin er samt nokkuð forvitnileg og verður gaman að sjá hvað framleiðandinn mun koma með á næstu árum. 

mbl bílablað