Tían Bifhjólaklúbbur Norðurams

Myndin mín
Akureyri, Iceland
í Janúar árið 2007 var Tían Bifhjólaklúbbur Norðuramts var stofnaður til minningar um Heiðar Þ Jóhannsson Snigils nr 10 sem lést í Bifhjólaslysi í júlí 2006 Tilgangur klúbbsins * Efla samstarf bifhjólaáhugafólks á Norðurlandi. * Vera öðrum bifhjólaökumönnum fyrirmynd. * Vera í forsvari fyrir bifhjólafólk á Norðurlandi. * Að stuðla að tilurð og framgangi bifhjólasafns í minningu Heiðars nr #10 * Sjá til þess að bifhjólafólk skemmti sér saman annað slagið.

26.8.17

Skemmtilegt PokerRun


Vel heppnað Poker Run Tíunnar


Við mótorhjólasafnið.
Safnast var saman við Mótorhjólasafnið á Akureyri og skáðu sig til keppni 7 keppendur á 6 hjólum og borgaði hver 1500 kr þáttökugjald.
Við Orkuskálann á Húsavík
Dró hver og einn eitt spil úr spilastokk og var svo ekið áleiðis til Húsavíkur í smá rigningu sem hætti reyndar eftir að við komum yfir Víkurskarðið. Á Húsavík var farið í Orkuskálann og eftir smá ís, drógu allir spil nr2.
 Svo var ekið yfir Hólasand yfir í Fuglasafnið í Mývatnsveit og safnið skoðað í fylgd Axels Stefánssonar staðahaldara,  Þar var dregið spil nr 3. Nú var farið að rigna talsvert en það stoppaði engann og var því næst ekið í Dalakofann í Reykjadal, þar var dregið spil nr 4. og stoppað stutt til að taka bensín.


Fuglasafnið.  Mynd Jokka
Síðasti áfangastaðurinn var svo DJ Grill og þangað mættu allir um kl 18, rennandi blautir en glaðir með góðan hjólatúr.
Þar var 5 spilið var dregið og pókerhendurnar skoðaðar...
Við Dj Grill. Mynd Jokka
Og eftir að þær voru skoðaðar þá kom í ljós að Kalla var með bestu spilin 2 pör og fékk hún pottinn í verðlaun. Alls 10500kr.

Alls voru hjólaðir 250km í þessari ferð



24.8.17

Kæri Félagsmaður

Nú er unnið í að uppfæra félagsskrá Tíunnar.

Og ef þú ert með breytt 


Netfang ? 
Breytt símanúmer ?
Heimilisfang ?

Eða kannski viðnefni endilega láttu okkur vita á netfangið

tian@tian.is

P.S Liggur þinn greiðsluseðill ógreiddur inn í þínum heimabanka er ekki komin tími þá að greiða hann. :)
Félagsgjgjaldið í Bifhjólaklúbb Norðuramts Tíunnar er aðeins 3000 kr,,,
Eitt þúsund af þeim krónum er beinn styrkur við Mótorhjólasafnið.
greiddir Tíufélagar fá frítt á mótorhjólsafnið eins oft og þeir vilja.
rest - félagsgjalda fara í að halda  viðburði fyrir hjólafólk, og kostnað í kringum það.

kv Stjórn

20.8.17

Vikan 21-27 ágúst POKER RUN

Aðeins einn viðburður verður þessa vikuna hjá okkur í Tíunni.

En það verður PokerRun á Laugardag

Þetta verður langkeyrslu pokerrun þar sem ekið verður yfir 200km til að safna þessum fimm pokerspilum


Mæting við Mótorhjólasafnið kl 13:00 á Laugardaginn 26 ágúst.
Þátttaka kostar 1500 kr  Fyrsta spilið verður afhent við safnið. og svo verður purrað á næsta áfangastað..

ATH vegleg verðlaun fyrir bestu pókerhöndina.

p.s  Endilega hakið ykkur í viðburðinn.


Tían komin með Twitter,,,

Tían er semsagt komin með Twitter

Og fyrir þá sem nota svoleiðis þá er slóðin hér

https://twitter.com/tianvkn




17.8.17

Aukaaðalfundur vel heppnaður.

Í kvöld var haldinn aukaaðalfundur Bifhjólaklúbbur Norðuramts Tían.

Góð mæting var á fundinn.
Fráfarandi stjórn 2017 Hrefna og Jokka (vantar Palla og Hinrik).
Og mun ég telja fram það helsta sem þar fór fram.

Fyrsta mál á dagskrá voru lagabreytingartillögur.
Þar má fyrst nefna tillögu um að færa aðalfund tíunnar til 15 október. (næst 2018)  Var það samþykkt .
Næst var samþykkt að formaður yrði kosinn á aðalfundi.
Og að lokum var samþykkt að framboðsfrestur til stjórnar var felldur út.
 Og má bjóða sig fram á aðalfundinum. Var það samþykkt.
Fráfarandi Stjórn 2016-17
Súsanna,Sigurvin og Jónína.

Næst var það stjórnarkjör...   úr stjórn fóru Jokka. Hrefna, Palli og Hinrik.

Fram komu sex framboð og voru niðurstöður kostninganna þær að Arnar Kristjáns. Jói Rækja .Víðir Orri og Bjössi málari náðu kjöri.

Þar á eftir voru framboð til formanns Sigríður Dagný ritari óskaði eftir formannsætinu og varð það niðurstaðan með  26 atkvæðum gegn 1


Fráfarandi stjórn og reyndar líka fráfarandi stjórn  frá síðasta aðalfundi voru svo leyst út með blómum .
Víðir#527







Lög Tíunnar


Lög Bifhjólasamtök Norðuramts Tían.

1. Nafn Klúbbsins
Nafn klúbbsins er Tían, Bifhjólaklúbbur Norðuramts. Heimili og varnarþing klúbbsins er á Akureyri.
Tían er klúbbur áhugafólks um bifhjól af öllum gerðum.

2. Markmið félagsins.
*       Efla samstarf bifhjólaáhugafólks á Norðurlandi.
*       Vera öðrum bifhjólaökumönnum fyrirmynd.
*       Vera í forsvari fyrir bifhjólafólk á Norðurlandi.
*       Að stuðla að tilurð og framgangi bifhjólasafns í minningu Heiðars nr #10
*       Sjá til þess að bifhjólafólk skemmti sér annað slagið ("getum við ekki látið eins og hálfvitar")

3. Merki
Merki félagsins er mynd af Fallinu, listaverki eftir Heidda #10. Myndin er hvít á svörtum bakgrunni, og er nafn félagsins skrifað með gylltum stöfum. Taumerki skal borið ofan mittis.

4. Inntökuskilyrði.
Að umsækjandi sé orðinn fullra 18 ára og teljist þess verður að bera merki félagsins að mati stjórnar. Hafi umsækjandi ekki náð 18 ára aldri getur hann skráð sig í klúbbinn með skriflegu samþykki forráðamanns og telst hann ungliði. Ungliðar eru ekki rukkaðir um félagsgjöld og eru ekki atkvæðisbærir á aðalfundi, en færast sjálfkrafa upp þegar þeir hafa náð 18 ára aldri. Við inngöngu fær viðkomandi úthlutað félagsnúmeri.
Félagsnúmerum er ekki endurúthlutað.

5. Refsingar og brottrekstur.
Refsing við brotum á lögum klúbbsins er Voff. Hafi félagi fengið þrjú voff skal hann gerður brottrækur.
Hægt er að vísa félaga úr klúbbnum hafi hann sannanlega sýnt að hann sé ekki þess verður að bera merki klúbbsins. Til að gera félaga brottrækann þarf skrifleg rök frá 20 fullgildum félögum.

5.1. Um Voff
Prófmissir vegna ofsaaksturs 1 Voff
Prófmissir vegna ölvunnaraksturs 2 Voff
Slæm hegðun á viðburðum í nafni klúbbsins (Að mati 5 félaga) 1 Voff
Drykkjulæti á Aðalfundi 1 Voff
Opinbert nýð um klúbbinn eða einstaka félaga 1 Voff
Stjórn getur ákveðið að Voffa á félaga ef meirihluti stjórnar er samþykkur.
Voff skulu fyrnast á einu ári.

6. Tekjur
Tekjur klúbbsins byggjast að mestu á félagsgjöldum. Félagsgjöld hvers árs skulu ákveðin af stjórn fyrir 15. febrúar.
Félagsgjöld notast í framleiðslu á merkjum og leigu á húsnæði og annan kostnað í þágu allra félaga. Félagsgjöld skulu að öllu jöfnu notuð í skemmtanir og er klúbbnum frjálst að taka hóflegt gjald fyrir einstaka viðburði á vegum hans.

Félagi telst fullgildur og atkvæðisbær, greiði hann félagsgjald ár hvert.

7. Aðalfundur
Haldinn skal aðalfundur sem 15. október ár hvert. Þar skulu fara fram venjuleg aðalfundarstörf og
reikningar síðasta árs lagðir fram.

Dagskrá fundar skal vera nokkurn vegin eftirfarandi.
1. Kosning fundarstjóra og fundarritara.
2. Stjórn og nefndir gefa skýrslu um starfsemi liðins árs.
3. Stjórn leggur fram endurskoðaða reikninga liðins árs.
4. Lagabreytingar.
5. Kosning stjórnar.
6. Kosning Formanns
7. Kosning  nefnda.
8. Skipun skoðunarmanna reikninga.
9. Önnur mál.



8. Stjórn
Stjórn klúbbsins skipa sjö menn: Formaður, varaformaður, ritari, gjaldkeri, fjölmiðlafulltrúi auk tveggja meðstjórnenda.
Stjórnin skal kosin skriflega á aðalfundi, til tveggja ára í senn sem hér segir:  Annað árið skulu fjórir stjórnarmenn kosnir, en þrír hitt árið.
Stjórnin skiptir með sér verkum og skal því lokið eigi síðar en tveimur vikum eftir aðalfund.
Í allar fastar nefndir skal kjósa á aðalfundi. Ennfremur skal skipa tvo skoðunarmenn reikninga.
Öllum löggildum meðlimum klúbbsins, er heimilt að bjóða sig fram til stjórnarsetu.
Framboðum til stjórnarsetu skal skilað inn til stjórnar í síðasta lagi á aðalfundi.

Ef ekkert mótframboð kemur við sitjandi stjórn, telst hún sjálfkjörin.

9. Slit.
Klúbburinn verður aðeins leystur upp á aðalfundi og til þess þarf samþykki 3/4 hluta fullgildra félaga.
Leysist klúbburinn upp, ganga allar eignir klúbbsins til Mótorhjólasafns Íslands.



Upprunaleg lög
Samþykkt 9. okt 2006.
Breytingar samþykktar á aðalfundi Tíunnar 14. maí 2011

Breytingar samþykktar á aukaðalfundi 17 ágúst 2017

Sigríður Dagný Þrastardóttir
Trausti Friðjónsson
Víðir Már Hermannsson
Arnar Kristjánsson
Jóhann Freyr Jónsson
Björn Baldursson
Víðir Orri Hauksson

Nýtt tilboð fyrir Tíufélaga.

Rakarastofa Akureyrar Hafnarstræti 88


Bíður Tíufélugum upp á 10% afslátt af vörum sínum.

Sjá meira á tiboðsíðunni okkar á Facebook.

15.8.17

Tíuferð 15 ágúst

Nokkur hjól skelltu sér í skipulagða Tíuferð í kvöld en samkvæmt plani var áætlað að fara í Vaglaskóg en í framhaldi af því þar sem allt er lokað í Vaglaskógi þá var haldið áfram í Dalakofann við Lauga í Reykjadal og fengu menn sér pizzu og aðrar veitingar.
Svo var aftur rennt í bæinn og var orðið dimmt er félagarnir komu niður á torg.  Rúmlega kl 23:00

Þrælskemmtileg ferð.. smábleyta en ekkert sem góðir gallar þola ekki.

Myndir Hlöðver og Víðir








13.8.17

Næstu dagar, vikan 14-20 ágúst.

Á þriðjudag 15.ágúst Vaglaskógsferð..  mæting við olís 19:30.

Á fimmtudag.17.ágúst Auka-Aðalfundur Tíunar ,,, Stjórnarskipti ,,, Framboð og fl.

Á Laugardag 19 ágúst. Poker-run  FRESTAÐ UM VIKU til 26. águst





10.8.17

Aukaaðalfundur Bifhjólaklúbbur Norðuramts Tían

Auka Aðalfundur Tíunnar


Þann 17.águst verður auka Aðalfundur Tíunnar haldin í Mótorhjólasafninu 2.hæð kl 20:00

Vegna sérstakra aðstæðna þá hefur stjórn tíunnar ákveðið að halda Auka Aðalfund.

Dagskrá fundar skal vera nokkurn veginn eftirfarandi:
1. Kosning fundarstjóra og fundarritara.
4. Lagabreytingar.
5. Kosning stjórnar.
6. Kosning nefnda.
8. Önnur mál....

Óskað eftir framboðum í stjórn Tíunar og aðra nefndir.
Hægt er að sækjast eftir því á fundinum.

Einungis greiddir tíufélagar geta setið fundinn.  





Stjórnin.

9.8.17

Góðann Daginn

HJÓLAFÉLAGAR OG TÍUMEÐLIMIR
Náði loksins að ná tökum á heimasíðunni sem hefur legið dáin í rúm 2 ár .
 svo það er best að byrja aftur.

kv Víðir #527

3.8.17

Hópkeyrslan 4 ágúst


Þá er hópkeyrsla tíunnar komin í Dagskráin - Akureyri endilega mættum og tókum þátt 😁😁😁😁😁

1.8.17

Siglóferð Tíunar

Nokkrir hressir hjólamenn renndu á Siglufjörð kl 19:30 í eina af skipulögðu hjólaferðum Tíunar sem eru nokkra þriðjudaga á sumri.. Sjá Dagskrá.

2. viðburðir í dag á Akureyri

Í dag eru tveir viðburðir fyrir hjólafólk á akureyri.
TÍAN verður með Siglufjarðarferð þar sem safnast verður saman við Olís kl 19:30 og lagt í hann kl 20.

Hins vegar verður opin æfing á hringbraut upp á Ba svæði þar sem fínt verður að æfa beyjur.
Víðir Orri er með viðburðinn og eru allir velkomnir . Og byrjar c.a 20:30

Áhugavert