Samgöngustofa vill skrá létt bifhjól í flokki I........

Hvað mun þetta kosta eigendur Vespanna ?

Margir hafa kannski tekið eftir því að Samgöngustofa hefur opnað rafræna skráningu á eldri léttum bifhjólum í flokki I (keypt fyrir 1. janúar 2020) og innan skamms verða öll slík ökutæki komin með appelsínugular númeraplötur sem eykur rekjanleika og eftirlit. 

Létt bifhjól í flokki I eru vélknúin ökutæki á tveimur, þremur eða fjórum hjólum sem ná ekki meiri hraða en 25 km/klst hvort sem þau eru raf- eða bensíndrifin. Þá er miðað við hámarkshraða sem framleiðandi bifhjólsins gefur upp.


Vefstjóri Tíuvefsins spurðist fyrir hvað þetta mun kosta?   

Og er einhver hvatning fyrir eigendurnar til að gera þetta?

Svarið var á þessa veru: 

Kostnaðurinn við skráningu er nú 600 kr. auk gjalds fyrir númeraplötu kr. 2665 samtals 3265 kr. Þetta skráningargjald mun svo hækka 1. júlí 2021.

Auk þess þarftu að borga fyrir skoðun en það gjald er mismunandi eftir skoðunarstöðvum en reikna má með að í heildina (skoðun auk skráningargjalds og númeraplata) kosti þetta allt að 15.000 kr.

 

Þessi hjól eru skráningar- og skoðunarskyld samkvæmt lögum og eftir 1. mars á næsta ári getur þú ekki keyrt um á hjólinu löglega. Þannig að hvatinn felst í því að geta keyrt um á hjólinu þínu án þess að vera brjóta lög. Auk þess er hvatinn sá að verð skráningar mun hækka 1. júlí 2021.

 

Ef þú átt hjólið þitt áfram næstu ár þarftu ekki að láta skoða það aftur, ekki fyrr en við næstu eigendaskipti. Við eigendaskipti þarf að láta skoða hjólið aftur (nema ef síðasta skoðun hafur farið fram á síðustu 12 mánuðum). Það er samkomulagsatriði milli kaupanda og seljanda hvor lætur skoða létta bifhjólið fyrir eigendaskipti en það er ekki hægt að skrá eigendaskipti fyrr en skoðun hefur farið fram.

Og þar hafið þið það...einn nefskattur enn handa ríkinu.
 
 kv.
Vefstjóri. 

Skráðu þig á póstlista Tíunnar 

Fast Freddy (Grein frá 1985)

 

Við erum engir vítisenglar , grein frá 1971

 

Aðalfundi Tíunnar (Frestað um óákveðinn tíma.)

Aðalfundi sem átti að vera þann 17.október hefur verið frestað um óákveðinn tíma. 

Ástæðuna þarf nú varla að taka fram en fjöldatakmarkanir og aukin smit vegna Covid-19  eru að þessu sinni eina ástæðan.

Við vorum einnig búin að fresta haustógleðinni sem vera átti um kvöldið.

Með bestu kveðju
Stjórn Tíunnar 

Bifhjólaklúbbs Norðuramts.

Malbikið á Kjalarnesi stóðst alls ekki kröfur

 

Malbik sem lagt var á nokkra kafla á höfuðborgarsvæðinu í sumar, þar á meðal á Kjalarnesi, stóðst ekki kröfur og munaði miklu upp á að þær væru fullnægjandi. Þetta kemur fram í niðurstöðum rannsóknar Vegagerðarinnar á malbikskjörnum á fimm köflum. Tveir létust á hálu malbikinu í júní.

Lambó vél í mótorhjóli

Já þú sérð rétt Lamborghini vél í mótorhjóli.

Þetta hjól er í bandaríkjunum og er eigandinn frá Georgíu fylki og heitir Chuck Beck.

Upphafið að þessu hjóli var víst sú að vinur Chucks gaf honum vél úr V12 Lamborghini eftir að kviknað hafði í Espada bílnum hans.

Tengdi Chuck vélina við gírkassa úr Volkswagen 3 gíra og tróð svo öllu saman í mótorhjólagrind sem þurfti víst á talsverðum breytingum á að halda.
Vatnskassinn var svo settur aftan á hjólið til að koma hitanum í burtu frá ökumanninum.

Hinir 666 englar Bretlands (1971)